قادین جینایتی: خوی‌دا بیر ارکک حیات یولداشی و قایناناسینی اؤلدوردو
خویون کندلریندن بیرینده بیر گنج حیات یولداشی و قایناناسینی اوو توفنگی ایله ووردو.
کئچن گونلرده خویون مرکزی بؤلگه‌سینده‌کی کندلریندن بیرینده باش وئرن بو حادثه‌‌‌ده ۲۵ یاشلی بیر ارکک حیات یولداشینی و قایناناسینی گولـله‌له‌یه‌رک اؤلدوردو.
خوی عومومی و اینقیلاب ساوجیسی صمدزاده دئییب: “بو حادثه‌‌‌ده گنج حیات یولداشی‌نین باشیندان گولـله ایله ووردو و قایناناسینا ایکی ال آتش آچدی و اونلاری اؤلدوردوکدن سونرا قاچدی“.
او آرتیردی: “قاتیلین توتولماسی اوچون لازیمی محکمه امرلری وئریلدی و پولیس مامورلاری مسئله‌نی ایزله‌ییرلر.”
صمدزاده آرتیریب: “ایلکین آراشدیرمالار گؤستریر کی، بو قضانین سببی چوخ گومان کی، عائله موباحیثه‌لری اولوب“.
“عائله موباحیثه‌لری” مئدیانین و ایسلام جمهوریییتی‌نین مقاملاری‌نین قادین جینایتلرینی نورمال گؤسترمک و یاپیسال اولماماسینا ایستیناد ائتدیگی بیر قاورامدیر.
سون بیر نئچه آیدا قادین جینایتی خبرلری‌نین مئدیادا یاییلماسی ایله ایراندا توپلومسال دوشونجه بو قونویا داها حساس اولدو. آنجاق مجلیس و محکمه حاکیميتی، قادینلارین زوراکیلیغا قارشی قانونی قورونماسی طلبینی گؤرمه‌مزلیکدن گلمکده داوام ائدیرلر.
iranwire
