قادین موتور کراس شامپیونو شهرزاد نظیفی‌نین ۸ ایللیک حبس جزاسی تصدیقلندی
وکیل محمد هادی عرفانیان کاسب، توییتر حِسابیندا تهران اینقیلاب محکمه‌‌سی‌نین ۲۶ سایلی شؤبه‌سی‌نین بهائی وطنداش و قادین موتور کراس شامپیونو شهرزاد نظیفی‌یه قارشی قیابی اولاراق وئریلن ۸ ایللیک حبس حؤکمونه اعتراضی سونوجوندا عینی محکمه‌نین وئردیگی قیابی قراری و علاوه جزا نی عینی شکیلده تصدیق ائتدیگینی بیلدیردی.
بو وکیل یازدی: “قریبه‌دیر کی، حؤکمون تصدیقلنمه‌سی‌نین سببی، پرونده‌نین مضمونو باره‌ده بیلگی وئریلدیگی اولاراق بیلدیریلدی و منیم و مووکیلیمین ساوونماسی دئییل.”
۱۴۰۰–جو ایل خرداد آیینین اورتالاریندا حاکم افشاری‌نین باشقانلیغی ایله تهران اینقیلاب محکمه‌‌سی‌نین ۲۶ سایلی شؤبه‌سی، شهرزاد نظیفی‌نی میلّی گوونلیگی پوزماق مقصدی ایله قانونسوز قروپلار (بهائی ایجماسینی نظرده توتور) ایداره ائتمک اتهامی ایله ۸ ایل حبس جزاسینا محکوم ائتدی.
علاوه بیر جزا اولاراق نظیفی‌نی ایکی ایل اؤلکه‌دن چیخماسی و گونده دؤرد ساعت ایکی آی مدتینده ذهنی قوصورلو اینسانلارا مجبوری خیدمتلر گؤسترمه‌یه محکوم ائدیلدی.
شهرزاد نظیفی، ایراندا “کراس و “یاریش” موتورسیکلتی‌نین ایکی نؤعنده ده شامپییون خانیمدیر.
نظیفی خانیمین عائله‌‌‌سی اؤزو وحیات یولداشی مهرشاد نراقی و ایکی اوشاغی نورا و مرآت، کی هاممیسی موتورکراس شامپییونودولار بهائی اولدوقلارینا گؤره، ایکی ایلدیر اؤلکه‌نین موتور کراس یوللاریندا یاریشمادان، ائیتیم و اؤیرتیمدن محروم ائدیلیبلر.
iranwire
