موترجیم و مدنی فعال شهره حسینی حبس اولوندو
موترجیم و مدنی فعال شهره حسینی، ۸ آذر شنبه گونو تهران اینقیلاب محکمه‌‌سینه چاغیریلدیقدان سونرا اوین حبس‌خاناسینا گؤندریله‌رک حبس اولوندو.
قادین حوقوقلاری فعاللاری‌نین خبرلرینی یاییملایان بیدارزنی سایتینا گؤره، خانیم حسینی اؤنجه‌لر ۱۱-۱۵ مهر ۱۳۹۹-جو ایل تاریخلری آراسیندا اوین حبس‌خاناسینداکی اینقیلاب کئشیکچیلری‌نین ۲-الف بندینده تک‌اداملیق حوجره‌‌ده ساخلانیلدی.
بو بیلگییه گؤره، حبس اولونارکن گوونلیک گوجلری اونون بوتون شخصی سندلرینی و لپ‌تاپ و موبیل تلفونو کیمی بعضی جیهازلارینی اله کئچیریبلر.
تهراندا یاشایان بو مدنی فعال بو ایل ۱۵ مهرده محکمه‌‌نین سونونا قدر ۵۰۰ میلیون تومن گیروو موقابیلینده مووقتی اولاراق سربست بوراخیلمیشدی.
شهره حسینی ۸ آذرده حاکم حاجی مرادی‌نین باشقانلیق ائتدیگی اوین محکمه‌‌سی‌نین ۲ سایلی شؤبه‌سینه یئنیدن چاغیریلدی و محکمه‌‌یه گلدیکدن سونرا قیروو مبلغی ۱ میلیارد تومنه یوکسلدیکدن سونرا حبس اولوندو.
خانیم حسینی‌نینین عائله‌‌‌سی‌نین یئنی بیر گیروو تضمیناتی اوچون ۱۰ آذرده اوین محکمه‌‌سینه گئتدیگی بیلدیریلدی، لاکین محکمه بیر سبب گؤسترمه‌دن گیرووو قبول ائتمکدن قانونسوز اولاراق ایمتینا ائتدی و خانیم حسینی‌نی حبسده ساخلادی.
اوین حبس‌خاناسیندا تک‌اداملیق حوجره‌‌ده ساخلاندیغی زامان، شهره حسینی، ایسلام جمهوریییتینه قارشی چیخان قروپلارا عضو اولدوغونو اعتراف ائتمک اوچون اینقیلاب کئشیکچیلری اطلاعاتی سورغوچیلاری طرفیندن تضییقه معروض قالدی.
