گیتی پورفاضل توتوقلاندی
آیت الله علی خامنه‌ای‌نین ایستعفاسینی طلب ائدن مکتوبو ایمضالایانلاردان بیری اولان گیتی پورفاضل توتولدو و ۲۷ آیلیق جزاسینی چکمک اوچون اوین حبس‌خاناسی‌نین قادینلار بندینه کؤچورولدو.
هرانا، توتوقلانان امکلی وکیل خانیم پورفاضل‌ین ۱۶ شهریور بازار گونو اوین محکمه‌‌سینه گئتدیکدن سونرا توتوقلاندیغینی بیلدیردی.
۹۸ -جی ایلین مرداد آیینین اورتالاریندا خامنه‌ای‌نین ایستعفاسینی طلب ائدن ۱۴ مدنی فعال طرفیندن بیر مکتوب ایمضالاندی.
بو مکتوبون یاییلماسی ایله بیر سیرا ایمضا ائدنلر حبس ائدیلدی و بعضیلرینه‌ده تضییق ائدیلدی.
بو مکتوبدان سونرا گیتی پورفاضل‌ین ایمضا آتانلاردان بیری اولدوغو ۱۴ قادین مدنی فعالین آدی ایله اوخشار مضموندا باشقا بیر مکتوب یاییملاندی.
پورفاضل ، ۲۸ مرداد ۱۳۹۸ -جی ایلده تهلوکه‌‌‌سیزلیک قوه‌لری طرفیندن بو مؤوضو اوچون توتوقلاندی و بیر آیدان چوخ بیر مدت سورغویا چکیلدیکدن سونرا اوین حبس‌خاناسی‌نین قادینلار بندینه کؤچورولدو.
نهایت، ۲۲ آبان ۱۳۹۸ -جی ایلده ۵۰۰ میلیون تومانلیک گیروو ایله محکمه‌‌نین سونونا قدر اوین حبس‌خاناسیندان مووقتی اولاراق سربست بوراخیلدی.
خانیم پورفاضل اؤنجه‌دن اسید سپمه هوجومونا اعتراض اولاراق ۹۳ -جو ایلین آبانیندا کئچیریلن میتینق زامانی توتوقلاندی و داها سونرا سربست بوراخیلدی.
