رومینا اشرفی‌نین آتاسی ۹ ایل حبسه محکوم ائدیلدی
رومینا اشرفی‌نین آتاسی قیزینی اؤلدوردویونه گؤره ۹ ایل حبس جزاسینا محکوم ائدیلدی.
رومینانین آناسی رعنا دشتی بو خبری آچیقلایاراق دئدی: «بو قرار منیم و عائله‌‌‌مین حیاتیندا پانیک و قورخویا سبب اولدو.»
او، آیریجا علاوه ائتدی کی، رومینانین قاچدیغی گنج اوغلان بهمن خاوری ایکی ایل حبس جزاسینا محکوم ائدیلمیشدیر.
او دئدی «من بو قرارا اعتراض ائدیرم و عالی محکمه‌‌یه موراجعت ائتمک ایسته‌ییرم.»
رومینا اشرفی، بو ایلین خرداد آیینین باشلاریندا تالش‌ده گنج بیر اوغلانلا قاچدیغی اوچون آتاسی طرفیندن اوراقلا اؤلدورولدو.
بو قیزین قتلی سوسیال شبکلرده چوخ یانسیمایا سبب اولدو.
